Honetaz
Webgunearen nondik norakoak jakin nahi badituzue, segi irakurtzen. Hala ez bada, itzuli hona ekarri zaituen lekura.
Zeinek
Nortasuna eraikitzeko tresnarik ez daukat,
Niregan oraindikan sinisten ez bait dut eta,
Guzti hau tamalgarria bihurtzeko
Gizakia izateari uko egin al diot?
Ni al naiz… zure ni?
Nire bila ibili naiz
Zulo beltz batetan biraka
Nahasturik eta jota nire onera itzulita
Jon deituriko norbanako bat, akaso, domeinua erosten azkarrena. Pertsona pseudonimoa, beharbada, ponte-izen arruntaz baliatuz. Izenkide-taldea, apika, zeinetako ausaz aukeratutako norbaitek noizbehinka sarreraren bat edo gehiago idazten dituen. Ala, agian, horien artean sortutako Borg bezalako garun-kolektiboa. Erakunde baten akronimoa, bestela.
Hori asmatzea irakurleei dagokie, (azpi)testuak lagun… axola ote du egilea(k) nor(tzuk) d(ir)en?
Zer
I don’t wish to be hampered by any restrictions in the compilation of my notes. I shall not attempt any system or method. I will jot things down as I remember them.
Fiodor Dostoievski, Notes from the Underground
(In)Kontzientzia-jarioa. Denbora eta batez ere gogoaren arabera, otutzen diren ideiak islatu, islatzen eta islatuko dira superinformazioaren autobide (edo Infobahn) tarte honetan, ganorazko kalitate-maila batera heldu nahian: artikuluak, kontakizunak, irudiak…
Gai finko gabe, auskalo zer jorratuko den hemen. Nahaste-borraste bat, ziur aski: ikus etiketak ideia bat egiteko. Zerrenda aldakorra denez, jarraitzea gomendatzen da; sindikazio bidez hobe. Lekuko izan zaitezten, besterik ez.
Zergatik
Whatever form writing may take in the future, it will remain central to the human experience, empowering and memorializing. As an Egyptian scribe brushed in ink some four thousand years ago: ‘A man has perished and his body has become earth. All his relatives have crumbled to dust. It is writing that makes him remembered’.
Steven Roger Fischer, A history of writing
Alde batetik, idazten denaren jabegoa nahi delako; egungo interneta, hein handi batean, AEBtako mendebaldeko kostaldeko enpresa batzuen eta ekialdeko inteligentzia-agentzien kontrolpean baitago. Historiari erreparatuz, azken honek zentzua du behintzat… eta tamalez saihestezina zaigu.
Bestetik, denbora aurrera joan ahala sare sozialak gero eta nekezago
direlako: edukia funtsean errepikakorra bilakatu da, iruzkinak barne.
Horregatik, .eus domeinu bat eskuratu ostean, behingoz esklusiboki euskaraz
idaztea erabaki da: hobe berandu inoiz
ez baino. Areago, euskara esparru gehiagotan erabiltzeak beraren
jakituria ugertzea ekidituko du.
Zelan
Software librea erabiliz, batez ere, Frantzian-edo —oh là là— kokatutako zerbitzari batean ostatatua.